Դարեր շարունակ հայտնի Մետաքսի ճանապարհը անցել է Հայաստանի տարածքով՝ այն դարձնելով տարբեր մշակույթների խաչմերուկ։ Այս հանգամանքը Հայաստանը ավելի գրավիչ է դարձնում թե՛ արևելյան, թե՛ արևմտյան զբոսաշրջիկների համար։
Դուք կարող եք ուսումնասիրել՝
— Դարավոր տաճարներ, վանքեր և եկեղեցիներ, որոնք պահպանում են Հայաստանի բազմագույն պատմության խորհրդավոր շունչը,
— Հեթանոսական և նախահեթանոսական շրջանի հուշարձաններ,
-Տարբեր դարաշրջանների ճարտարապետություններ,
— Սրբավայրեր, հանքաջրեր և քարեդարյան մասունքներով հարուստ տարածքներ։
Սրանք բոլորը սպասում են ձեր բացահայտմանը։
Հայկական խոհանոցը աշխարհի տարբեր ազգերի խոհանոցների շարքում ունի իր առանձնահատուկ կարևոր տեղը։ Ճաշատեսակների բազմազանությունը, անզուգական հյուրասիրությունը և հրաշալի թխվածքները նոր գույներ կբերեն ձեր գաստրոնոմիկ աշխարհում և, անկասկած, կգրավեն ձեր ուշադրությունն ու սերը։
Մնացեք «Վարդագույն քաղաքում» և վայելեք ձեր ազատ ժամանակը։ «Վարդագույն քաղաք» անվանումը տրվել է Երևանին՝ քաղաքի ճարտարապետության մեջ մեծապես օգտագործված վարդագույն տուֆի պատճառով։ Այստեղ կարող եք գտնել բազմազան ժամանցի վայրեր՝ հարմարավետ սրճարաններ և ռեստորաններ, այգիներ, թանգարաններ, ինչպես նաև տարբեր միջոցառումներ (երաժշտություն, արվեստ, կինո, վարպետաց դասեր և այլն)։